Ezagutu ingurumenarekin daukagun konpromisoa

Plastikozko bilgarriak birziklagarria den paperarekin ordeztu ditugu.

Bilgarrien komitearen beste helburu bat plastikozko txirrikak murriztea da. Horretarako, Co2-isurpenak murrizteko eta gure ingurugiroa zaintzeko pentsatuta dauden neurrien linea jarraituko dugu. Helburu hori betetzeko, arroz luzearen paketea ordeztu dugu % 100 birziklagarria den paperezko pakete batekin; hain zuzen ere, jasangarriagoa den eta ingurumena zaintzen duen diseinu bat.

% 100 energia berriztagarria erabiltzen dugu

Erabiltzen dugun energia guztia % 100 berriztagarria da. Co2-aren isurpenak % 57,3 murriztu ditugu zeharo berriztagarriak diren iturrietatik datorren energia bermatzen digun energia-hornitzaile bat kontratatu ostean.

Bilgarriak murrizteko lan egiten dugu: plastiko eta kartoi gutxiago

Nomen Foods-en langile desberdinek osatzen duten bilgarrien komitearen zeregin bat bilgarri bikoitza murriztea izan da: izan ere, % 26,5 murriztu dute. Ecoembes-en enpresako prebentzio-plana sinatu duen enpresa bat garenez gero, salmentan dagoen bilgarri bakoitzean 1,5 kg murriztea lortu dugu.

Fluoreszenteak LED-ekin aldatzen ari gara

Energia-kostua aurrezteko xedearekin, urtero ohiko hodi fluoreszenteen ehuneko handi bat ordezten dugu LED-ekin, horiek energia eta kontsumo asko aurrezten dutelako.

Papera murriztu dugu eta birziklatutako papera erabiltzen dugu

Bulegoan paperik ez erabiltzen dugunez gero, paperaren kontsumoa nabarmenki murriztu da. Halaber, birziklatutako eta gramaje txikiagoko papera erabiltzen hasi gara.

Energetikoki eraginkorragoa den teknologian inbertitzen dugu

Beharrezkoa da ekoizpen-prozesuaren alor guztietan etengabe hobekuntzak egitea, errotatik bilgarriraino. Hori dela eta, teknologia berriak eta makineria eraginkorragoa erabiltzen duten sistema adimendunetan inbertitzen dugu, energia-kontsumoa murrizten laguntzeko.

Logistikaren azpikontratazioaren alde

Logistika-eragiketak optimizatzen ditugu jasangarritasunaren eta ingurumenaren konpromisoaren ideiak partekatzen dituen kanpoko kide batekin eta energetikoki eraginkorragoak diren instalakuntzak dituen plataforma logistiko batekin (karbono-aztarnak murrizteko enpresaren politikarekin bat datorrena).

Plastikozko botilak kendu ditugu

Plastikozko botila guztiak beirazko botilekin eta kartoizko edalontziekin ordeztu ditugu. Gainera, ur-iturriak instalatu ditugu langileentzako, modu horretan ahalik eta hondakin gutxien sortzeko.

Fabrikaren inguruan zuhaitzak landatzen ari gara

Jasangarritasun-komiteak bultzatuta eta Parke Naturalaren tutoretzapean, zuhaitz autoktonoak landatzen ari gara Deltako ekoizpen-fabrikaren inguruan ikuspegiaren gaineko eragina murrizteko eta ingurumenari baso-masa gehiago eskaintzeko. Gainera, saguzarrentzako habia-kaxak instalatu ditugu, eltxoak modu natural batean aldentzen dituztenak ere.

Konpromisoa ingurumenarekin, ISO 14001 arauak ziurtatuta

ISO 14001 arauan oinarritutako ingurumenaren kudeaketarako sistema bat daukagu. Sistema horrek kalitatezko produktuen ekoizpena sustatzen du gure jardueretatik eratorritako ingurumenaren gaineko eragina murriztuz. Gainera, helburu hori gure enpresak planteatzen dituen ingurumen-xedeekin bat dator.

Arrozaren laborantza ekologikoa bultzatzen dugu

Nola lortzen dugu ingurumena errespetatzen duen laborantza jasangarriago bat? Ekologikoagoa den arroz bat ekoiztuz, ongarririk eta sintesi-pestizidarik erabili gabe. Hortaz, arrozak zapore guztia eta tratatu gabeko arroz baten ezaugarriak mantentzen ditu. % 100 purua den arroz bat, baliabide naturalekin ekoiztua.

Nomen Earth proiektua sortu dugu

Nomen Earth arrozaren salmentetatik irabazitakoaren % 100 ingurumenaren aldeko ekintzak finantzatzeko erabiltzen dugu. Ekintza horiek aldaketa klimatikoaren aurka eta planeta jasangarriago baten alde borrokatzen dute.